Kino Məktəbinin tələbəsinin filmi beynəlxalq festivalda

Azərbaycan Kinematoqrafçılar İttifaqının Kino Məktəbinin tələbəsi Gülnar Əliyevanın “Sərçə” cizgi filmi İtaliyanın Neapol şəhərində keçirilən Beynəlxalq Qısa Filmlər Festivalında iştirak edəcək.

Festival noyabrın 16-dan 20-dək davam edəcək.

Xatırladaq ki, Gülnar Aliyeva Azərbaycan Kinematoqrafçılar İttifaqının nəzdindəki Kino Məktəbinin cizgi filmlərinin rejissor-rəssamı şöbəsini bitirib. “Sərçə” cizgi filmi onun diplom işidir.

Film rejissor Firəngiz Qurbanovanın rəhbəri olduğu “Birlik” studiyasında çəkilib.

Filmin prodüseri Firəngiz Qurbanova, rəssamı Zema Əhədovadır.

aki.az