Yeni nəsil azərbaycanlı kinematoqrafçılar və yeni filmlərin təbliği məqsədilə həyata keçirilən layihə çərçivəsində ilk nümayiş martın 15-də “Azərbaycan” CinemaPlus-da rejissor İlkin Yusifin “Mən Qəhrəman Axtarıram” filminin premyerası ilə baş tutdu.
“Yeni Azərbaycan kinosu” layihəsi çərçivəsində yeni nəsil rejissorların işləri tamaşaçılarla görüşə gəldi. Martın 29-da Amil Amalın “Titrəmə”, Ərturan Nəcəfinin “Səs”, Azər Quliyevin “Təngənəfəs” və “Pa-pa” filmləri, aprelin 5-də Türkan Hüseynin “Sonuncu foto”,Şirin Əhmədovun “Günel” və Pərviz Gülməmmədovun “Oğul” filmləri, aprelin 12-də Fariz Əhmədovun “Sonuncu” , Nurlan Həsənli ilə Toğrul Musanın debutü olan “Bir Ata haqqında” mayın 10-da isə “Kadrarxasında qalan Azərbaycan” adı ilə yerli sənədli filmlərə həsr olunmuş tədbir baş tutdu və Rövşən Nicat, Nurlan Həsənli, Lətif Lətifsoy və Əfsanə Yusifin filmləri nümayiş olundu. Yerli filmlərin nümayişi Əli-Səttar Quliyevin “Olimpia” filmi ilə dekarın 20-də yekunlaşdı.
AKİ bölgələrdə yeni nəsil rejissorların tanınması,yerli filmlərə maraq yaranması üçün “Cənubda kino günləri” layihəsini həyata keçirdi. Layihə çərçivəsində 2022-ci ilin iyun-iyul aylarında son illərdə dövlət sifarişi əsasında və müstəqil şəkildə istehsal olunan bəzi filmlər yerli tamaşaçılara çatdırıldı. Nümayişlər Lənkəran, Lerik, Masallı,Biləsuvar rayonlarında reallaşdırılıb.
Azərbaycan Kinematoqrafçılar İttifaqı “Azərbaycan” CinemaPlusda “Dünya kinosu şedevrləri Azərbaycan dilində” layihəsi çərçivəsində Kira Muratovanın “Baş tutmayan ayrılıq”, Ettore Skolanın “Bal” filmlərin nümayişini keçirdi.
Azərbaycan Kinematoqrafçılar İttifaqının Azərbaycanda Fransız İnstitutu və Fransanın Azərbaycandakı Səfirliyi ilə əməkdaşlığı çərçivəsində “100% klassiklər: Fransız kino həzzi” adlı film nümayişləri təşkil olundu. 2022-ci il reallaşan layihə çərçivəsində 7 iyun – “Atalanta” (Jan Viqo),14 iyun – “Baltazar” ( Rober Bresso), 21 iyun – “Uçuş zolağı” və “Sibirdən məktublar (Kris Marker) filmləri nümayiş olundu. Nümayişlər “Azərbaycan” CinemaPlus-da baş tutub.
2022-ci il sentyabr ayının 6, 13, 20, 27-də Azərbaycan Kinematoqrafçılar İttifaqı “Visla” Polşa Film Festivalıyla “Polşa kino günləri” layihəsini həyata keçirdi.
6 sentyabr – “Balkondan” tammetrajlı sənədli filmi (Pavel Lozinski),13 sentyabr – “Məsihin bədəni” tammetrajlı bədii filmi (Yan Komasa),20 sentyabr – “Antiqəhrəman” tammetrajlı sənədli filmi (Mixal Kavetski),27 sentyabr – “İzlər qalmasın deyə” tammetrajlı bədii filmi(Yan P. Matuşınski) filmləri nümayiş olundu. Nümayişlər “Azərbaycan” CinemaPlus-da baş tutub.
Azərbaycan Kinematoqrafçılar İttifaqının İsveç Krallığının Bakıdakı səfirliyi ilə əməkdaşlığı çərçivəsində 2022-ci il noyabr ayının 1-də, 8-də, 15-də və 22-də “Berqmanla üzbəüz” layihəsi çərçivəsində “Pıçıltılar və qışqırıqlar”, “Yeddinci möhür”, “Fanni və Aleksandr”, “Persona” filmləri orijinal dildə, azərbaycanca və ingilis dilində altyazılarla nümayiş olundu. Nümayişlər “Azərbaycan” CinemaPlus-da baş tutub.
