Minsk Beynəlxalq Film Festivalı filmlərin qəbuluna başladı

Bu il “Listapad” XXVII kinofestivalı noyabrın 20-dən 26-dək Minskdə keçiriləcək.

Bu barədə Minsk Beynəlxalq Kinofestivalı məlumat yayıb.

Qeyd olunur ki, kinofestivalın çoxəsrlik tarixini davam etdirən “Listabad 2021” kinofestivalı bu il iştirakçıların coğrafiyasını genişləndirməyə və dünya kinematoqrafiyasının ən yaxşı nailiyyətlərini təqdim etməyə çalışacaq.

Bu il müsabiqə proqramına daxildir:

– Əsas tammetrajlı filmlərin müsabiqəsi

– Sənədli filmlərin əsas müsabiqəsi

– Gənclərin filmlər müsabiqəsi

– “Lıstapadzık” uşaq və gənclər auditoriyası üçün film müsabiqəsi.

  • Tammetrajlı filmlərin müsabiqə proqramlarında yalnız son ilyarım ərzində çəkilmiş, beynəlxalq kinofestivallarda xüsusi qeyd olunmuş, kinematoqrafçılar və tamaşaçılar tərəfindən yüksək qiymətləndirilmiş tammetrajlı filmlər (52 dəqiqədən uzun müddət) iştirak edə bilər.
  • Sənədli filmlərin müsabiqə proqramlarında yalnız son ilyarım ərzində çəkilmiş, beynəlxalq kinofestivallarda xüsusi qeyd olunmuş, kinematoqrafçılar və tamaşaçılar tərəfindən yüksək qiymətləndirilmiş tammetrajlı filmlər (26 dəqiqədən uzun müddət) iştirak edə bilər.
  • Gənclər filmlərinin müsabiqəsində son ilyarım ərzində yaradılmış bütün janrda olan filmlər iştirak edə bilər.
  • “Listapadzık” uşaq və gənclər auditoriyası üçün filmlər müsabiqəsində isə yalnız son ilyarım ərzində çəkilmiş tammetrajlı bədii və animasiya filmləri iştirak edə bilər.

Kinostudiyalar, teleşirkətlər, distribütor şirkətləri, müstəqil prodüserlər və başqaları təqdim olunan filmlərə müəllif hüquqlarına malik olduqda, kinofestivalda iştirak edə bilərlər. Bundan başqa, yalnız Belarus Respublikasında ictimaiyyətə göstərilməyən filmlər film festivalı proqramlarında iştirak etmək hüququna malikdir.

Xatırladaq ki, müsabiqə proqramlarından birində iştirak etmək üçün ərizəni 30 sentyabr 2021-ci il tarixinədək təqdim etmək lazımdır. Kinofestivalın müsabiqələrində iştirak edən filmlərin nümayiş surətləri orijinal dildə və ingilis subtitrləri ilə olmalıdır. Kinofestivalın müsabiqə proqramlarının digər proqramları üçün qəbul edilmiş filmlərin surətləri 25.10.2021-dən gec olmayaraq kinofestivalın direktorluğuna təqdim edilməlidir.

Kinofestivalın tam reqlamenti, iştirak qaydaları və ərizələrin formaları kinofestivalın səhifəsində və “Belarusfilm”kinostudiyasının saytında(belarusfilm.by) və festivalın saytında (listapad.org.) təqdim olunacaq.

Son olaraq qeyd edək ki, “Azərbaycancanfilm” və “Butafilm”in birgə istehsalı olan, 2017 ci ildə rejissor İlqar Nəcəfin quruluşunda çəkilən “Nar bağı “Minskdə keçirilən 24-cü Listapad Beynəlxalq Kino Festivalında iştirak edib və filmin ssenaristləri İlqar Nəcəf və Asif Rüstəmov “Ən yaxşı ssenari” mükafatına layiq görülüblər.

aki.az