Nəriman Əbdülrəhmanlının “Kəpənək” əsəri “Əl-Kəlimə” portalında yayınlanmağa başlayıb

Azərbaycan Kinematoqrafçılar İttifaqının üzvü, yazıçı Nəriman Əbdülrəhmanlının ərəb dilinə tərcümə olunmuş “Kəpənək” əsəri İngiltərənin ərəbdilli “Əl-Kəlimə” (“Söz”) ədəbiyyat portalı tərəfindən yayınlanmağa başlayıb.

Dövlət Tərcümə Mərkəzinin “Azərbaycan ədəbiyyatı beynəlxalq virtual aləmdə” layihəsi çərçivəsində yayınlanan hekayə yazıçının yaradıcılığı haqqında məlumatla təqdim edilib. Lent.az-ın məlumatına görə, hekayəni ərəb dilinə tanınmış tərcüməçi Əhməd Sami Elaydi çevirib. Bundan başqa, “Əl-Kəlimə” portalı mütəmadi olaraq səhifələrində Nəcib Məhfuz, Təvfiq əl-Həkim, Abbas əl-Aqqad kimi dünya ədəbiyyatı yazarlarının əsərlərinə yer ayırır.

Xatırladaq ki, Nəriman Əbdülrəhmanlının ssenarisi əsasında bir çox sənədli sənədl filmlər (“Haray” (1989), “Sərhəd”(1990), “Ağ-qara dünya” (1991), “Miras”(1992) və s.) çəkilib.

Yazıçının 4 cildlik “Azərbaycan kino sənəti tarixi” monoqrafiyası nəşrə hazırlanır, tezliklə oxuculara təqdim olunacaq.

aki.az